موسوعة لأجمل الابيات الشعرية اهداء لمرتادي واحة بوح الخواطر

اخواتي واخواني
مرتادي واحة بوح الخواطر و نبض المشاعر

احببت ان اهديكم هذه الموسوعه
والتي تحتوي على اجمل
ابيات الشعر النبطي والفصيح
قد تكون مرجعاً للكثيرين
ممن تستهويهم قراءة الشعر
او من يشعرون برغبة في اهداء بيت ما
لحبيب او صديق او ..........الخ

تقبلوا ارق تحياتي

اختكم دلع الممكلة

عطني وعد ماأشوف أنامنك هجران
واعطيك كل الحب وأعطيك عمري

اكتب لغيره والقصايد تجي فيه
كن القصايد حالفه ماتخونه
يمكن لو يلمس الجرح بيديه
يستغرب ان اللي لمسها طعونه

أحدن فعوله بالمراجل تثابيت
واحدن يشابه بالفعايل خواته

المشكله ماهي حكاية كرامه
حنا خسرنا بسبتك ناس غالين

تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي

جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!

مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت

ليه تطعني وانا ميت بليا ؟
ماكفاك اللي حصللي قبل ساعه ؟
كن بين همومي وبينك حميا ..
جيتكم واحد وجيتوني جماعه ..
انت منا والمصايب من هنيا ..
كلكم ضدي ترى ماهي شجاعه !!

أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك

لاهمني قربك ولاهمني رضاك
والله ولا ذكرى بقلبي تجيبك
ليله لقانا حطها حدر ماطاك
عسى وهمها في الليالي نصيبك

وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه

ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار

ان كان قصدك تجرح الروح وتروح
عندي كفايه مابقى من جروجي
وان كان غرك قولت الناس مملوح
هذي عبارة ماتناسب طموحي

قال لو حبيت غيرك وش تقول؟
قلت احاول قد ما اقدر امنعك
قال لو عيت تطاوعك الحلول ؟
قلت أحبه يابعد عمري معك !

iانا بليت بحبكم من هبالي .
ولا انت ظلن مالنا فيه منزال .
خيرك لغيري والشقا والعنا لي .
والمشكل انا فاهمن كل الاحوال .

أسمحيلي مابقى فيني مكان تطعنينه
وأقبلي من جوف قلبي كل عطفه وأمتنانه

يا صاحبي خذ للحبيب رسالتي
فعسى يرى بين السطور الأدمعا
بلغه أني في الغرام متيم
والقلب من حد الفراق تصدعا

أحبج مصنوعة من سكر فتاك
قد سمعت بحياتك سكرٍ يذبح؟
أنا كذا أذوقها ليمن نطقها فاك
لذيذة لذة في هالحشا تجرح
كرر أحبج وعدها لي جعلني فداك
كانك تكرمت ياروحي ولو تسمح
وشلون تلعب بطعم السالفة بشفاك؟
تجذب مسامع حبيبك لين مايسرح

ماني مقصر وان تخاذلت قلي
والله لا احطك بعيوني واغطيك
من ذاق مر الحب لازم يحلي
مرمرتني في عيشتي وين حاليك؟
خل العناد اللي براسك يولي
اخاف لاتصغر بعيني واخليك

لعنبو قصـة غرام كل ابوها كلمتين
ابتدينا عند احبك وانتهينا عند باي
تونا ما بعد مشينا فالهوى لو خطـوتين
وانتهى الموضوع كله حتى ماأعرف ويش خطاي
انتهى الموضوع هيك بكل سهوله تحكمين
وين احبك؟ويـن اريدك؟وين ساكن في حشاي؟

يكاد فـضـيـض الـمـاء يـخـدش جـلـدهـا
إذا اغـتـسـلـت بالـمـاء من رقـة الـجـلـد

ليتني دم بوريدك أدخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت آه
ليتني كلك وكلك..ليتك بحالي تشوف
غيرة العاشق مصيبه والمصيبه في هـواه

أخوض ُ الليل في سهدٍ وقومُُ طاب مرقدهم
فأي الدهرُ أبكاني وكيفَ الدهر ِ أسعدهم
لأجل ِ العين ِ تبكيهم فأجفاني تناشدهم
يغيثوها من الدمع ِ أليس َ الدمع ِ موردهم

ياقلب إن ترضى بعيشي فانني
ساقتات من حزني وأشربُ دمعي
وأهجي المحبة َ في الجموع ِ فانها
قد أفقدتني عيدي واطفت شمعي

ياراحلاً وفؤادي في حقيبته
وهناً لديه لكن غير مضمون
تركتني في شجوني للورى مثلاً
يميتني الوجد والأشواق تحييني

أغدا ألقاك يا خوف فؤادي من غدِ
ياَ لشوقي واحتراقي في انتظار الموعدِ
آه كم أخشى غدي هذا وأرجوه اقترابا
كنت أستدنيه لكن هبته لما أهابا
وأهلت فرحة القرب به حين استجايا
هكذا أحتمل العمر نعيما وعـذابا
مهجة حرة وقلبا مسه الشوق فذابا

أسافر في عينيك أبحث عن مأوى
أيا رحبة الأحداق ياعذبة النجوى
نسيت على أهدابك السود عالمي
وحلَّقت مشتقاً مع الأنجم النشوى
أبحرية العينين وردية الشذى
تحرضني أمواج عينيك أن أهوى

تدري ؟ متى! تخنقني العبره وأحس أني وحيد
لا قلت تامرني بشي؟ وقلت لي سلامتك

ماهي بالعادة وينك.. عسى العلم خير؟
ليه نايم حبيبي قبل لا أسمع أحـبك؟
بين كيف ولماذا .. لذت بأقصى الزفير
احتريت اتصالك واستحيت اتصل بك
ما تخّـيلت أنام وما تكون الاخير
تسمع أنفاس قلبي ضحكتين بقربك
نام..تصبح حبيبي على الف خـير
صحني لما تصحى انا نايم بقلبك!

الجرح ماهو خاطر شوي ويروق
الجرح حتى لوتشافى يعلك

...
بعدك عذاب محرق قلبي احراق
وقربك اماني قلب حبك حيابه
بحق الذي يخلق وللعبد رزاق
عن حب غيرك سكر القلب بابه
جتك المشاعر ضاميه حيل تشتاق
تسألك حبك.. وش تكون الاجابه

الصبح ماهو طلعت الشمس للكون
واليوم ماهو يوم لو مر دونك
تدري لو ان الامر بيدي وش يكون؟
تعلن صباح الناس طلة عيونك!

بس الخفوق اللي تبيه؟الله ياصغـر الطلب
ياصاحبي لاتستحي من شي ودك تكسبه
لبيه ياعمري فدتك أهل الملامة والعتب
لبيه كثر اللي عشانك كنت أضيفه واشطبه
يامن لعبت بحسبة اللي محدن به قد لعب
قل وش بقى بك مايفر العقل فر ويسلبه

لاحـس ؟ لاطـاري؟ ولا حتّى خبـر
فجـاة كذا تمشي؟ ولاقلت بتروح؟
وماقلت حتّى أستسمحك بعض العذر؟
شتكلّفك بالّله من وقت مسموح؟
على الأقل ..ماكنت أتأمّل تمرّ !
وأضحـك على قلبي وأسلّيه بجـروح؟

سواها قلبي ياحبيبي وحبك
ماطاعني وانا عن الحب ناهيه

يقولون العرب صدر الشمالي مايضيق بساع
وانا اقول الصدور اليوم ماعادت شماليه
بدت في داخلي ضيقه عجزت القى لها مطلاع
تغيب وترجع وترجع تغيب ومالها نيه
عمتني كلمة جتني وضقت وضاق صدر القاع
الا يالله لاتجزى غشيم قالها فيه

تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني وليه احببته اهو حبني منه وليه
من غير لا أنا اعترف ومن غير لاهو يعترف

كم سؤال مات في صدري جوابه
وكم اجابه حية قبل السؤال
السؤال يتيه في ليل سرا به
والاجابه ثابته في كل حال
والسؤال اللي له بنفسي مهابه
ليه احبك حب جاوز للخيال

ابكيتني وانا احسب انك تكره بكاي
اثرك تلذذ في دموعي وانا ابكي

ولجلستنا هذه بقية

الغــاليــة دلع المملكة

خلت نفسي بين أمواج البحر تهزّني برقة كلمات هذه الموسوعة

وحسبت نفسي أطير فوق عبير الواحة أستنشق عبق ما نبضت يديك

بوح ينمّ عن ذائقة متطورة

تبرزها لنا الغالية دلع المملكة

فشكرا لنبضك وننتظر المزيد

شاكرة لك مرورك أخوي العميد
في انتظار مشاركة باقي الاعضاء
لتنوير صفحتي واضافة ابيات اخرى للموسوعة
تحياتي للجميع

يسلمو يا الغالية

دائما متالقة

و انا راح اشارك بمجموعة من الابيات لبعض الشعراء

واللي خلق ظلما الليالي في العيون الهاجعه
اني من الحرمــان اتســائل وحرماني جواب
يــوم الوداع تخيـلي مــالي حبيـب اوادعــه
محروم انا وتخيلي محروم حتى من العذاب

طلال الرشيد

اذكريني لانتهت للشمس رحله مع نهار ا
ذكريني لاصحا للصبـح ورد الـيـاسمين
اذكريـني لالـمحتي لليــــل بــرد ونــار
واذكريني لاسمعتي للمطر صوت حزين

فهد المساعد

كانك على قولك تمنى لي الخير
ساعــدني انسى حبـك اللي خذاني
خلي حيــاتي تـنـقلب كلـها غـير
وانسى الحبايب والزمن والمكاني

سعود بن بندر

شي طبيــعي نـختــلف ونتــفـارق
اللي غريــب انـا بيــــوم اجتــمعنا
تطيح شمس وغصن الايـام وارق
وتموت كلمة شوق وتعـيش معنى
ماتسعف الغرقان صيحات غارق
عاجز .. وعاجز كيف بس اجتمعنا؟!

سعد آل سعود

آه لو انك ترمي الدنـيــا وراك
وارمي الدنيا وراظهري واجيك
كان تدري ان الغلا كله غلاك
وكـان تدري وشكثر قلبي يبيـك

فهد عبدالله

لاتقول الليــــالي فرقـتنا
لاتقول ظروفنا عيت علينا
الليالي يوم ودك جمعتنا
يـوم ودك كل شي في يدينا

خالد الفيصل

في عز ماكنت اهوجس فيك وافتح لك
ابواب قلبي خذتني رجلي لبـابك
وجيتك وانا ماذكر اني كنت رايح لك
بس اذكر اني كذا لاطول غيابك

فهد المساعد

مرت على قلبي وهي عايشه فيه
تـقول بـعد الحــب لاتنتظرني
مرت على جرح الليالي تصحيه
نسى شقاها كل درب وذكرني
من حب ماينسى ولو حب ناسيه
هذا الذي لـيلة جـفـاهـا قهرني

سعد آل سعود

شفتك مع اللي صار عقبي حبيبك
واحتـارت الدمـعه بعيني وصديت
مدري الـصــدفه لدربي تــجيـبك
مدري انا اللي في دروبك تحريت

عبد الله العليوي

لاجيــت انـا باسامــحــك
تبكي الجــــراح مـاودهــا
مشتــاق ودي اصــافحك
وعيـــت يــــدي لامــدهــا

بدر بن عبد المحسن

كـان قلـبي بحبـل الصبر متشدد
لين سقت الاقدام في مدرج صباها
وذاب شوق ووله ولساني يردد
يــــوم الاطلال نــادت له ولبــاهـا
جمــــلـة ردهـا للـحيـرة يـبــدد
يامرابـع صبــاها وين دنيــاهــا ؟!

قول احبك يبتسم عالم خيالي
واحلم اني مالك الدنيا لحالي
واشتري كل النجوم من السما
وما اخلي ورده تشعر بالضما
قول احبك ..

فيصل بن تركي

يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع إلين اللحين
اشم ايديك بإيديني ..

طلال الرشيد

طيفك ملا كل الليالي
وافي مثل جرحي .. اغفي معه واصحي
غير صور كل البراويز .. شال الصور حط العزيز
اقفل علي الباب .. وحدي بلا احباب
يرفع ظلام ستارتي .. ويدخل بلا اسباب
طيفك غريب .. طيفك قريب
طيفك ابد ما يشبهك
وافي وحبيب

طلال الرشيد

انا حزن الشمس لحظات المغيب
ينطفي نور العمر لما تغيب
وانطوي مثل الحنين بقلب عاشق
يمكن اهون لو اموت .. وماتفارق
يامعلمني احبك .. حيل احبك
اغلى من روحي احبك

احك لي الصدق
ان الامل من قبل اعرفك كذب
والتضحيه اوهام
واني انا من قبل اعرفك .. كنت اعرف انام
كان السهر مو هالسهر
لعب واغاني واختصار
صار السهر تفكير .. صار انتظار .. صار احتضار
صار السهر .. تنهيدتين ونار

طلال الرشيد

كلماتك رائعة كثير منها استوقفني وبقيت اتأملها : مشكورة يعطيك الف عافية على هذه الكلمات

تقبلي تحياتي: شهريار

مرورك الأروع أخوي شهريار
مشكور على الرد وعالطلة الحلوة
تحياتي الك

منورة حبيبتي نبيلة
شاكرة لك مرورك وبصمتك الحلوة للموسوعة
ماننحرم من طلتك الحلوة
تحياتي الك

» اهداء
» مفاجأة لأحباء واحة الاسلام.ادخل لتعرف...
» الى محبي "واحة الاسلام"...